ஆர். அபிலாஷின் இணையதளம்

  பத்தாண்டுகளுக்கு மேலாக மொழியையும் இலக்கியத்தையும் கற்றுக் கொடுப்பவராக என்னுடைய புரிதல் மொழி என்பது பெரும்பாலும் அறிவு அல்ல, அது ஏற்கனவே மனிதருக்குள் இருக்கிற திறன் என்பதே. ஆங்கிலம் எல்லா மொழிகளையும் போல ஒரு மொழி. அது ஆங்கிலம் தெரியாதோருக்குள்ளும் இருக்கிறது (நோம் சாம்ஸ்கி இதையொட்டி சொல்லியிருப்பதைத் தேடிப் படியுங்கள்). நான் இந்த புதைத்திருக்கும் மொழித்திறனைப் பயிற்சி மூலம் வெளிக் கொணர்கிறேன். இதுவே என் கல்விப்பாணி, உத்தி. நாம் ஒரு வாக்கிய அமைப்பை, உரையாடல் பாணியைக் கற்கும்போது அதை நம் மனதுக்குள் உள்ள அமைப்புடன், பாணியுடன் பொருத்திப் பார்க்கிறோம், நம் குரலில், நம் உடல்மொழியில் அதைப் பொருத்துகிறோம், அது மெல்லமெல்ல நம்முடையதாகிறது. நாம் ஒன்றை மனனம் செய்து ஒப்பிப்பதில்லை. நாம் அதை நமதாக்குகிறோம். நான் இந்தக் கல்வி முறையை நோக்கியே மாணவர்களைத் திருப்புகிறேன். இது கற்றலை உற்சாகமானதாக ஆக்குகிறது. என்னுடைய ஆன்லைன் வகுப்புகள் நீங்கள் ஆங்கிலம் கற்பதை இவ்வாறு லகுவாக்கும். இணைய விருப்பம் உள்ளோர் 9790929153 எனும் எண்ணில் தொடர்பு கொள்ளவும்

  புனைவெழுத்தாளரும் மொழிபெயர்ப்பாளருமான கார்த்திகைப் பாண்டியன் உயர்கல்வித் துறையில் தோன்றி வரும் நெருக்கடியைக் குறித்த ஒரு முக்கியமான பதிவை எழுதியிருக்கிறார். அதில் அவர் தமிழ்நாட்டில் உள்ள தனியார் பொறியியல் கல்லூரிகளில் மாணவர் சேர்க்கை குறைவதால் மேலடுக்கு கல்லூரிகள் தம் சேர்க்கை எண்ணிக்கையைப் பலமடங்காக அரசின் அனுமதியுடன் உயர்த்தி இரண்டாம் நிலைக் கல்லூரிகளுக்குப் போகிற மாணவர்களை உறிஞ்சிட இரண்டாம் நிலைக் கல்லூரிகள் மூன்றாம் நிலைக் கல்லூரிகளை இவ்வாறே உறிஞ்சிட ஒட்டுமொத்தமாக சூழல் அமைப்பில் முதல் இரு அடுக்குகளில் உள்ள கல்லூரிகள் மட்டுமே நிலைக்க முடிகிற நிலை தோன்றி வருவதாகவும் இதனால் இனி அங்கு இடம் பெற முடியாத மாணவர்களுக்கு படிக்கும் வாய்ப்புகள் அருகி விடும் என எச்சரிக்கிறார். இது இன்று உலகெங்கும் தோன்றுகிற சந்தை ஏகபோகப் பிரச்சினையாகும். ஏர்டெல், ஜியோ எனும் இரண்டுக்கு இடையே, அதானி, அம்பானி எனும் இரு முதலைகளுக்கு இடையில் மக்களும் வாடிக்கையாளர்களும் சிக்கிக் கொள்ள, அவர்கள் அரசிடம் உள்ள நெருக்கத்தைப் பயன்படுத்தி விதிமுறைகளை வளைத்து விலையைத் தமக்கு ஏற்றாற் போல மாற்றி வைத்துக் கொள்ள தாராளவாத ...

  புனைவு எழுதுவது - குறிப்பாக நாவல் - நம் மன நெருக்கடியை, பதற்றத்தைக் குறைக்குமா? அதாவது புறச்சூழல் தரும் கடுமையான அழுத்தத்தில் இருந்து அது நம்மைக் காப்பாற்றுமா? அதை ஒரு 'சிகிச்சையாகப்' பாவிக்க முடியுமா? இக்கேள்வியை வரும் இரு நாட்களில் சோதித்துப் பார்க்கப் போகிறேன். இதற்கான காரணத்தையும் விளைவையும் குறித்து விரைவில் எழுதுகிறேன்.

தவெக சில புதிய முதலீட்டிய சக்திகளால் ஆட்சிக்குக் கொண்டு வரப்பட்டது, ஆட்டுவிக்கப்படுகிறது என இடதுசாரிகள் சொல்வதை யாரும் மறுக்கவில்லை. ஆனால் பல்லாயிரம் கோடிகள் நிதியும் ஊடக ஆதரவும் மட்டுமே ஒரு கட்சியை சட்டென ஆட்சிக்குக் கொண்டு வராது. அதுவும் முழுமையான மக்கள் ஆதரவு இல்லாத, பெரும்பான்மை மக்களின் வாக்குகளை வெல்லாத ஒரு கட்சியை முதலாளிகளால் மட்டுமே வெல்ல வைக்க முடியாது. அங்குதான் தேர்தல் ஆணையர் க்யானேஷ் குமார் உள்ளே வருகிறார். அவரது தேர்தலில் சிறப்புத் தீவிர திருத்தம் எனும் வாக்குத் திருட்டும்தான் தவெக வெல்ல உதவியது. மிக அதிகமாக வாக்காளர்கள் நீக்கப்பட்ட 20க்கும் மேற்பட்ட தொகுதிகளில் தவெக வென்றுள்ளதை ஹிந்து நாளிதழ் சுட்டிக் காட்டியுள்ளது. இது போக தவெக வென்ற சில தொகுதிகளில் வாக்கு எந்திரங்கள் சரியாக வேலை செய்யாதது நிரூபிக்கப்பட்டுள்ளது. இதை தேர்தல் ஆணையம் மறுக்கவும் இல்லை. முக்கியமாக, இது தற்செயலாக நடந்ததல்ல. அதாவது இந்த வாக்காளர் நீக்க மோசடி நிகழாதபட்சத்தில் தவெக உச்சபட்சமாக 50-80 இடங்களைக் கடந்திருக்காது. திமுகவும் அதிமுகவும் அழிக்கப்பட வேண்டும் என க்யானேஷ் குமார் விரும்பியுள்ளார். அதனாலே ...

  சிறப்புத் தீவிர திருத்தத்தின் பெயரிலான வாக்குத் திருட்டை எதிர்த்து தற்போது நடந்து வரும் நாடு தழுவிய போராட்டங்களின் ஒரு நல்விளைவு இவ்வளவு நாட்களாக ஊடகங்களும் சிந்தனையாளர்களும் ஒப்புக் கொள்ள மறுத்த ஒரு அப்பட்டமான தேர்தல் மோசடியை பிறந்த குழந்தையைப் போல அம்மணமாக பொதுவில் கிடத்தியிருக்கிறது. ஊடகங்கள் பரவலாகப் பேசத் தொடங்கிய நிலையில் பொதுமக்கள் இடையில் சலசலப்பு ஏற்பட்டிருக்க தயக்கம் கலையத் தொடங்கியிருக்கிறது. இப்போதைக்கு சிந்தனையாளர்களும் பொதுவான பார்வையாளர்களும் இதை எதிர்க்கட்சியினர் கிளப்பும் பிரச்சினை என்றே பார்க்கக் கூடும். ஆனால் கடந்த சில ஆண்டுகளாகவே, குறிப்பாக 2024க்குப் பிறகிருந்தே, ஆதாரங்கள் வந்தபடித்தான் இருக்கின்றன. அவற்றைப் பரிசீலிக்க ஒருவித பயம் நிலவுவதைப் பார்க்கிறேன். இதை நாம் கடவுள் நம்பிக்கையுடன் ஒப்பிடலாம் - தீவிர நம்பிக்கையாளருக்கு ஒரு கட்டத்தில் கடவுள் வெறும் கற்பனையோ எனத் தோன்றத் தொடங்கினால் என்ன செய்வார்? யாரிடமும் சொல்லாமல் அதை மனதுக்குள் வைத்துக் கொள்வார். இப்படி பல கோடி பேர் வாழ்கிறார்கள். ஒருவர் தான் இத்தனைக் காலமும் பெற்றோர் எனக் கருதியோர் உண்மையான பெற்றோர் அல...

  வரும் சனிக்கிழமை அன்று சென்னையில் இருப்பேன். கார்த்திக் ராஜா எனும் இளம் கவிஞரின் Almost Lucid எனும் ஒரு பிரமாதமான ஆங்கிலக் கவிதை நூல் வெளியீட்டு விழாவில் கலந்து பேசுகிறேன்.

  ஆங்கிலத்தில் சரளமாகப் பேசுவது பெரும் தன்னம்பிக்கையை நமக்குத் தருகிறது. உலக அளவில் பல வாய்ப்புகளைப் பெறுவதில் இருந்து வேலைக்கான நேர்முகங்களில் வெல்வதற்கும் செயல் திட்டங்களை முன்னெடுக்கும் அவசியம். ஆங்கிலத்தில் பேசாதவர்களுக்கு அறிவு குறைவு எனும் எண்ணமும் நம் ஊரில் நிலவுவதால் அத்திறனை வளர்ப்பது அவசியமாகிறது. பள்ளிப் படிப்போ கல்லூரிப் படிப்போ முடித்துவிட்டு ஆங்கிலத் திறன் இல்லாததால் தத்தளிப்பவர்களுக்காக ஒரு பேச்சு ஆங்கில வகுப்பை ஆன்லைனில் நடத்தப் போகிறேன். வளர்ந்தவர்களுக்கும் குழந்தைகளுக்கும் தனித்தனி வகுப்புகள். வாரத்தில் மூன்று வகுப்புகள். இரண்டு மாதங்களில் மொத்தமாக 25 வகுப்புகள். மாணவர்கள் இரண்டே மாதங்களில் சரளமாகப் பேசுவதை உத்தரவாதம் செய்வேன். ஆர்வம் உள்ளோர் பின்னூட்டம் செய்யவும். அல்லது 9790929153 எனும் எண்ணில் தொடர்பு கொள்ளவும். உங்கள் தயக்கங்களை உதறுங்கள். ஆங்கிலம் வழி உலகை வெல்லுங்கள். கலந்து கொள்வதற்கான உங்கள் தகுதி: ஆங்கிலத்தில் எழுத்துக்களை வாசிக்கத் தெரிந்தால் போதும். வகுப்பை நடத்துவதற்கான என் தகுதிகள்: ஆங்கிலத்தில் முனைவர் பட்டம் ஆங்கிலத்தில் இளங்கலைக் கல்வியியல் (BeD) ப...